“Ilim hám hayal – keleshek tiykar” temasında bayanat jasaldı.

16-fevral kúni 2-sanlı Nókis Abu Ali ibn Sino atındaǵı jámiyetlik salamatlıq texnikumında Xalıqaralıq ilim-pán tarawındaǵı hayal-qızlar kúni múnásibeti menen ilimiy-ámeliy ushırasıw ótkerildi. Hayal-qızlardıń ilim-pán rawajlanıwındaǵı teńsiz úlesi, búgingi kúnde jaratılıp atırǵan imkaniyatlar haqqında sóz etildi. Soń qatnasıwshılar tárepinen “Ilim hám hayal – keleshek tiykarı” temasında bayanat jasaldı. Bayanatta hayal-qızlardıń bilim alıwǵa bolǵan umtılısı, motivaciya, jeke rawajlanıw hám kásiplik ósiwi máseleleri jaqtılandırıldı.
Ilaj dawamında belsendi student-qızlar ózleriniń ilimiy jumısları, joybarları hám erisken jetiskenlikleri haqqında prezentaciyalar ótkerdi. Olardıń sóylegen sózleri basqa qatnasıwshılarǵa úlken ilham berdi.
Sonday-aq, dógerek stol áńgimesi shólkemlestirilip, onda tómendegi máseleler talqılandı:
Házirgi zaman jámiyetinde hayaldıń ilimiy iskerligi
Hayal-qızlardıń bilim alıwdaǵı imkaniyatları
Ilaj juwmaginda soraw-juwaplar ótkerilip, qatnasıwshılar pikir-usınısların erkin bildirdi.