“Shet tiliniń medicinalıq ámeliyattaǵı ornı” atamasında ashıq sabaq ótildi.

2-sanlı Nókis Ábiw Áliy ibn Sina atındaǵı jámietlik salamatlıq texnikumında 20-fevral 2026-jıl 1-basqısh 4-topar “Miyirbiykelik isi” bóliminde reje boyınsha ashıq sabaq bolıp ótti. Inglis tili páni muǵallimi Matmuratov Nurabulla tárepinen “Shet tiliniń medicinalıq ámeliyattaǵı ornı” atamasındaǵı gezektegi ashıq sabaq ótildi.
Sabaq procesinde oqıwshılardıń qızıǵıwshılıǵı, inglis tilinde erkin sóylese alıwı, medicinadaǵı ásbap-úskenelerdi qollanıw usılları inglis tilinde sóylese alıwın hám oqıtıwshı tárepinen xoshametlenip barıwı ayrıqsha kórsetip ótildi.
Sabaq sońında analizler nátiyjesi talqılandı hám sabaq joqarı baha menen bahalandı.